Æмбæхсинаг нæу, Президенты æвзæрстыты рæстæджы бæрæг дискусситæ æмæ быцæутæ кæй фæзыны, уыцы хабар, загъта информацион агентад «Рес»-æн Хуссар Ирыстоны паддзахадон университеты (ХИПУ) журналистикæйы кафедрæйы сæргълæууæг, республикæйы сгуыхт журналист Хъодалаты Хансиат.
«Афтæ у абоны бон дæр, - адарддæр кодта йæ хъуыды уый. - Тæссаг у, нæ адæм дыууæ дихы куы фæуой, уымæй.
Æз сидын мæ адæммæ: уæ масты фæдыл уæ мачи ацæуæд, сабыр, тадзгæ-баргæ аскъуыдздзаг кæнæм уæвæг проблемæтæ, цæмæй не ‘знæгты фæндиаг мацæмæй фæуæм. Равдисæм куырыхондзинад экстремалон уавæры».
