РХИ-ы Президент Тыбылты Леониды арфæ Джиуæргуыбайы бæрæгбоны цытæн
Зынаргъ æмбæстæгтæ!
Зæрдиагæй арфæ кæнын ирон адæмæн, Ирыстоны цæрджытæн се ʻппæтæн Джиуæргуыбайы бæрæгбоны цытæн.
Ирæтты сæйраг удварнон бæрæгбонтæй иу - Джиуæргуыба - рагæй ссис ирон адæм, кæм фæнды ма цæрой, уымæ нæ кæсгæйæ, стæй Ирыстоны цæрæг адæмы иукæнынады фæрæз. Нæ адæм бæрзонд аргъ кæмæн кæнынц, уыцы стырбон биноныг кæны сæйраг адæймагон хæзнатæ – æнæхиндзинад, иудзинад, ирд сомбонмæ æмæ рæсугъд фæндæгтæм тырнынад.