Зынаргъ æмбæстæгтæ!
Арфæ уын кæнын Республикæ Хуссар Ирыстоны Паддзахадон тырысайы боны фæдыл! Нæ тырысайы æртæ хуызы – урс, сырх æмæ зæрингъуыз – æвдисæг сты, нæ адæм сæ историйы дæргъы фæлтæрæй-фæлтæрмæ кæй фæхастой, уыцы иууыл ахсджиагдæр æмбарынадтæ æмæ принциптæ: хæдæфсармдзинады сыгъдæгдзинад æмæ бæрзонд удыхъæд, лæгдзинад æмæ æхсардзинад, куыстуарзондзинад æмæ æвидигæ бæркад. Уый у национ иудзинады символ, Фыдыбæстæйыл нæ æнувыддзинады символ, Ирыстоны ивгъуыды стыр хъуыддæгтæ æмæ йæ фидæнмæ тырнындзинадыл хъуыды кæныны символ.
Паддзахадон тырысайы Бон у нæ бæстæйы æцæг патриотты, республикæ чи бахъахъхъæдта æмæ арæзта, йæ райгуырæн бæстæйæн кад чи кæны æмæ йæ размæцыды тыххæй чи фæллой кæны, уыдоны бæрæгбон. Ацы тырыса нæ адæммæ сидт иудзинад æмæ сæрибармæ. Ацы тырысайæ хордтой ард, йемæ цыдысты мæлæтхæссæг хæстмæ райгуырæн Ирыстоны сæрвæлтау æмæ йемæ нысан кодтой уæлахиз.
Ацы тырыса сисгæйæ мах фæнысан кæнæм иууыл ахсджиагдæр æмæ кадджындæр бонтæ, ацы тырыса сисæм, ирæттæ кæм фæуæлахиз вæййынц, ахæм спортивон аренæты.
Æмæ мæн уырны, урс-сырх-зæрингъуыз тырыса кæй суыдзæн нæ бæстæйы стыр æнтыстыты æмæ размæцыды символ. Уый махæй хъуамæ æнкъара алчи дæр æмæ йæ нæ зæрдыл дарæм цыфæнды къахдзæф акæныны размæ дæр.
Зынаргъ хæлæрттæ!
Уадз æмæ нæ диссаджы тырыса алы хатт дæр Ирыстоны адæмы разæнгард кæнæд æнтыстытæм, рæзты ног фæндæгтæм, кæрæдзийæн æххуыс кæнынмæ æмæ нæ Райгуырæн бæстæйы хæрзиуæгæн нæ тыхты иудзинадмæ!
Республикæ Хуссар Ирыстоны Паддзахадон тырысайы Боны хорзæх уæ уæд!
