19 сентября в Южной Осетии отмечается День государственного флага. Бело-красно-желтый триколор был утвержден в качестве государственного символа Республики Южная Осетия 13 января 1992 года, когда Верховный Совет республики принял Закон о государственном флаге.
Обращение президента Южной Осетии Анатолия Бибилова к согражданам:
Зынаргъ æмбæстæгтæ!
Арфæ уын кæнын Республикæ Хуссар Ирыстоны паддзахадон тырысайы боны цытæн.
Алы адæм, алы паддзахадæн дæр йæ паддзахадон атрибуттæй сæйраг у тырыса. Афтæ у махмæ дæр историон æгъдауæй. Бирæ адæмтæ æмæ паддзахадтæй махæн нæ тырыса рагондæр у, йæ уидæгтæ рагзаманты историйы æрфыты равзæрдысты, йæ хуызтæ суанг æртæ нæртон мыггаг Алæгатæ, Борæтæ æмæ Æхсæртæгкатимæ баст сты.
Рагзамантæй фæстæмæ тырыса уыд хæстон стæрты æмæ уæлахизы символ. Хæстон адæм удуæлдайæ цыдысты сæ тырысайы фæстæ, сæ тырыса знаджы къухмæ бахауыны фæлтау сæхи мæлæты къухмæ лæвæрдтой.
Тырыса уыд, кад, намыс æмæ æхсардзинады символ.
Абон дæр æмæ кæдфæнды дæр тырысайы фарн бæрзонд хæсгæ у. Фæлæ мах нæ фæнды, цæмæй нæ фæсивæд хæстмæ цæуой сæ тырысайы фæстæ.
Уадз, нæ фæсивæдæн сæ паддзахадон тырыса уа размæ, рухс фидæнмæ кæныны символ, хона сæ ног æнтыстыты бæрзæндтæм!
Абон мах хъуамæ æппæт тыхтæ дæр аздахæм уымæ, цæмæй нæ тырасайы алы хуызтæ дæр тæмæнтæ калой æппæт дунейы æмæ алы къабæзты дæр нæ бæрзонд æнтыстытæй - политикæ, культурæ, зонад, спорты.
Ацы ахсджиаг бон мæ фæнды, зынаргъ æмбæстæгтæ, сымахæн сабырад æмæ æмразыдзинад, фæрныгад алы бинонты хсæн дæр, Республикæ Хуссар Ирыстоны хæрзиуæгæн!
